युनिकोड
सर्वोच्च अदालतका प्रस्तावित न्यायाधीशरूबारेमा संघीय संसद्को संसदीय सुनुवाइ समितिमा सुनुवाइ भइरहेको छ।
आइतबार पनि प्रस्तावित न्यायाधीशहरूबारे सुनुवाइ चलिरहेको छ। सुनुवाइका क्रममा सांसदहरूले सोधेको जिज्ञासालाई समाधान गर्दै प्रस्तावित न्यायाधीश महेश शर्मा पौडेलले आफू बिदा भएर जाँदा चोखै रहने प्रतिबद्धता गरेका छन्।
पौडेलले आफू अवकाश भएर जाँदा निष्ठा कायमै राखेर चोखो रहन प्रयास गर्ने बताएका हुन्।
उनले सुनुवाइका क्रममा आफूले न्याय क्षेत्रमा ३० वर्ष बिताएको बताउँदै अबको ६ वर्षको बाँकी अवधि पनि इमानपूर्वक बिताउने उल्लेख गरे।
पौडेलले भ्रष्टाचारविरुद्ध आफूले कुनै सम्झौता नगर्ने बताए। पौडेलले हिंसाले राज्यको आत्मालाई अपांग बनाउने बताउँदै भ्रष्टाचारले आत्मा नै मारिदिने जिकिर गरे।
त्यहीकारण अब बँचेको आफ्नो ६ वर्षको समयमा निष्ठा र इमान नगुमाई चोखो भएर बिताउने पनि पौडेलको तर्क थियो।
प्रतिक्रिया