युनिकोड
यतिबेला (बुधबार बिहान) काठमाडौँ उपत्यकाको मौसम आंशिक बदली (आकाशमा हल्का बादल) रहेको मौसमविद्ले बताएका छन्।
मौसम पूर्वानुमान महाशाखाका मौसमविद् रोजन लामिछानेका अनुसार आज दिनभर काठमाडौँ उपत्यकाको मौसम आंशिक बदलीदेखि सामान्यतया सफा रहने सम्भावना छ।
‘उपत्यकामा आज आकाशमा हल्का बादल लाग्ने, घाम पनि देखिने सम्भावना देखिन्छ’, उनले भने, ‘पानी पर्ने सम्भावना देखिएको छैन।’
मौसमविद् लामिछानेका अनुसार आज बिहानको मापनमा काठमाडौँ उपत्यकाको न्यूनतम तापक्रम ८.२ डिग्री सेल्सियस छ। राति आकाशमा बादल लागेका बेला बिहान न्यूनतम तापक्रम हल्का बढ्छ।
केही दिनअघि काठमाडौँ उपत्यकाको न्यूनतम तापक्रम ७.४ डिग्रीसम्म झरेको थियो।
प्रतिक्रिया