युनिकोड
जाजरकोट केन्द्रबिन्दु बनाएर शुक्रबार राति गएको भूकम्पबाट पीडितका लागि नेपाल क्रिकेट संघ (क्यान) ले आर्थिक सहयोगको घोषणा गरेको छ।
आईसीसी टी–२० एसिया छनोटअन्तर्गत आइतबार नेपाल र ओमानबीचको फाइनल खेलको टिकट बिक्रीबाट प्राप्त हुने रकमको ५० प्रतिशत भूकम्पपीडितको सहयोगार्थ प्रदान गर्ने घोषणा क्यानले गरेको हो।
साथै क्यानले भूकम्पले पुर्याएको जनधनको क्षतिप्रति गहिरो दुःख व्यक्त गरेको छ।
जाजरकोट केन्द्रबिन्दु भएर गएराति गएको भूकम्पमा परी मृत्यु हुनेको संख्या १५४ पुगेको छ।
अहिलेसम्म प्राप्त तथ्यांकअनुसार जाजरकोटमा ९२ र रुमुकपश्चिममा ६२ जनाको मृत्यु भएको हो। घाइतेको संख्या डेढ सयभन्दा माथि पुगिसकेको छ।
हेर्नुहोस् क्यानको विज्ञप्ति-
प्रतिक्रिया