युनिकोड
प्रहरीले जनकपुरबाट १६ वर्षीया एक किशोरीलाई पेस्तोलसहित पक्राउ गरेको छ।
भारतको बिहार राज्य अन्तर्गत शेराई ग्रामपञ्चायत घर भएका पप्पु सहनीकी छोरी १६ वर्षीया पूजा कुमारी सहनीलाइए जनकपुरधामको रेल्वे स्टेसन जनिकको एक मन्दिरबाट पक्राउ गरिएको जिल्ला प्रहरी कार्यालय धनुषाले जनाएको छ।
रेल्वे स्टेसन नजिक रहेको हनुमान मन्दिरबाट गएराति सशस्त्र प्रहरीले उनलाई पक्राउ गरेको हो।
उनको साथबाट एक थान कटुवा पेस्तोल बरामद भएको प्रहरीले जनाएको छ।
उनको साथबाट नेपाली ६५ रुपैयाँ, भारतीय फाइभ–जी सिम एक थान र चाँदीको जस्तो देखिने मालाको लकेट एक थान बरामद गरिएको र घटनाबारे थप अनुसन्धान सुरु गरिएको प्रहरीले जनाएको छ।
प्रतिक्रिया