भारतबाट ल्याएको तरकारी र फलफूलसहित ७ जना नियन्त्रणमा

जिल्ला प्रहरी कार्यालयले भारतबाट ल्याउँदै गरेको सामानसहित सात जनालाई पक्राउ गरेको छ।

प्रहरी टोलीले गस्ती गर्ने क्रममा गुलरिया नगरपालिका–७ भन्सार रोडस्थित भारतबाट भन्सार छली चोरी पैठारी गरी ल्याउँदै गरेको अन्दाजी १ लाख ७४ हजार बराबरका फलफुल तथा तरकारी नियन्त्रणमा लिएको हो।

फलफुल ल्याउन प्रयोगमा गरिएको ४ थान मोटरसाइकल र ४ थान साइकल पनि प्रहरीले बरामद गरेको हो।

५ जना भारतीय र २ जना नेपाली गरी जम्मा ७ जना मानिसहरुलाई नियन्त्रणमा लिई आवश्यक कारबाहीको लागि राजापुर भन्सार कार्यालय गुलरिया बर्दियामा बुझाइएको प्रहरीले जनाएको छ।