युनिकोड
नेपाल प्रहरीका निमित्त प्रहरी महानिरीक्षक एआईजी टेकप्रसाद राईले नेपालमा रहेका इजरायली नागरिकको सुरक्षा निगरानी बढाउन निर्देशन दिएका छन्।
सोमबार सातवटै प्रदेशका प्रहरी प्रमुख र उपत्यका प्रहरी प्रमुखलाई राईले यस्तो निर्देशन दिएका छन्।
निमित्त आईजीपी राईको निर्देशनसँगै देशभरका जिल्लाबाट इजरायली नागरिकको तथ्यांक संकलन गर्न सुरु गरिएको छ।
नेपाल भ्रमणमा रहेका इजरायली नागरिकको सुरक्षामा निगरानी बढाउन एआईजी राईले निर्देशन दिएको प्रहरीका केन्द्रीय प्रवक्ता डीआईजी कुवेर कडायतले बताए।
यस्तै दसैँ लगायतका चाडबाडलाई लक्षित गर्दै सुरक्षा योजना बनाएर कार्यन्वयन गर्न पनि निर्देशन दिएका छन्। पछिल्लो समय देशमा देखिएका धार्मिक र सामुदायिक हिंसालाई लिएर सबै धार्मिकस्थलमा पनि निगरानी बढाउन भनिएको छ।
प्रतिक्रिया