युनिकोड
काठमाडौंको जमलमा आज (शनिबार) बिहान भयानक किसिमले कार पल्टिएको छ।
ट्राफिक प्रहरीका अनुसार केशरमहलबाट जमलतर्फ जाँदै गरेको बा ११ च ३६०४ नम्बरको कार बिहान ६ बजेतिर दुर्घटना भएको हो।
कार दुर्घटनाबाट मानवीय क्षति भएको छैन। दुर्घटनामा चालक बिजेन दुवाल श्रेष्ठ सामान्य घाइते भएका छन्।
कारमा तीन जना रहे पनि सबै सकुशल रहेको प्रहरीले जनाएको छ। श्रेष्ठ मच्छिन्द्र आयल स्टोरका सञ्चालक हुन्।
उनको खुट्टामा सामान्य चोट लागेको छ।
कार गलत लेनमा गएर होटल एलो प्यागोडाअगाडि सडकको रेलिङमा ठोक्किएको छ।
कारको ठक्करबाट सडक किनारमा राेकिराखेको एक पर्यटक माइक्रोमासमेत सामान्य क्षति पुगेको प्रहरीले जनाएको छ।
प्रतिक्रिया