युनिकोड
दोलखाको गौरीशंकर गाउँपालिका ७ मार्बुमा पहिरोमा बेपत्ता हुनेको संख्या ४ पुगेको छ।
बिहीबार साँझ गएको पहिरोमा स्थानीय करिब ५५ वर्षीय कृष्णबहादुर मगर, उनकै श्रीमती देवी मगर, अर्का वृद्ध हरिलाल श्रेष्ठ र ३ वर्षीय बालक प्रिन्स थामी बेपत्ता भएका हुन्। ्
सदरमुकामबाट उत्तरी क्षेत्रमा अवस्थित मार्बुमा झरेको पहिरोमा तीनजना गम्भीर घाइते भएका छन्। स्थानीय यज्ञ थामी, उनकी श्रीमती धनकुमारी थामी र बुहारी सरिता थामी घाइते भएका हुन्।
उनीहरुलाई हेलिकप्टरमार्फत काठमाडौं लगिँदै छ। उत्तरी गौरीशंकर गाउँपालिका ७ मार्बु गाउँको टोपाटार बस्तीमा बिहीबार साँझ खारेतर्फको भीरबाट बस्तीमा पहिरो झरेको हो।
पहिरोले बस्तीका ५ घर पुरेको मार्बुका वडाअध्यक्ष सोनाम शेर्पाले जानकारी दिए। सुरक्षाकर्मी र स्थानीयले बेपत्ताको खोजी गरिरहेको इलाका प्रहरी कार्यालय सिंगटीले जनाएको छ। रासस
प्रतिक्रिया