काठमाडौंको सामाखुसीमा तीन दिनअघि बाढीले बगाउँदा बेपत्ता बालक अझै फेला परेका छैनन्।
गत आइतबार साँझ काठमाडौं महानगरपालिका–३ रानीबारीस्थित सामाखुसी खोलाको बाढीले बगाउँदा १३ वर्षीय साजन मगर बेपत्ता छन्।
निरन्तर खोजी भइरहे पनि आज (मंगलबार) बिहानसम्म उनको अवस्था पत्ता लागेको छैन।
उनको खोजी गर्दै आज बिहान गोताखोर टोली चोभारस्थित बागमती नदीसम्म पुगेको छ। तर वर्षा भइरहेको र पानी धमिलो भएकाले गाह्रो भइरहेको उद्धारकर्मीहरूले बताएका छन्।
सामाखुसीमा बस्ने बालक मगर पानीपोखरीस्थित भानुभक्त मेमोरियल स्कुलको कक्षा ६ मा पढ्थे। विद्यालयबाट फर्किएपछि उनी आइतबार साँझ खेल्न निस्किँदा बाढीले बगाएको हो।
93
Shares
प्रतिक्रिया