सशस्त्रले फिर्ता ल्याउन सकेन फेसबुक पेज, भियतनामी भाषामा नाम फेरियो

गत चैत अन्तिम साता ह्याक भएको फेसबुक पेज फिर्ता ल्याउन सशस्त्र प्रहरी बल (एपीएफ) असफल भएको छ। 
गत चैत २७ गतेदेखि पेजमा समस्या आएको थियो। सशस्त्र प्रहरीका एसएसपी तथा प्रवक्ता राजेन्द्र खड्काका अनुसार पेज रिकभरको प्रयास भएको थियो। 

तर ह्याकरहरुको कब्जाबाट उक्त फेसबुक पेज फिर्ता ल्याउन सशस्त्र प्रहरी असफल भएको हो। 

• सशस्त्र प्रहरीको फेसबुक पेज ह्याक, रिकभरको प्रयास हुँदै

एपीएफले उक्त फेसबुक पेज रिकभर प्रयास गरिरेका बेला भियतनामी ह्याकरहरुले त्यसको नाम नै फेरिदिएका छन्। 

सशस्त्र प्रहरी बलको नाममा पेज शुक्रबारदेखि भियतनामी भाषामा परिवर्तन भएको  छ। 

यसअघि भएको ह्याकलाई रिकभर गर्ने प्रक्रिया चलिरहेका बेला भियतनामी ह्याकरले नामै फेरिदिएका हुन्। 

सशस्त्र प्रहरीले सबुक पेजमा बिहानबाट प्राविधिक समस्या आएको बताउँदै आइटी टिमले रिकभर प्रयास गरिरहेको जनाएको थियो।

उक्त पेज ह्याक गरेपछि भियतनामी भाषामा केही लेखिएको थियो। यसअघि पनि नेपाली सेनाको साइबर स्पेसमा हमला गरेको आरोपमा प्रहरीले एकजनालाई पक्राउ गरेको थियो।