सशस्त्र प्रहरीको फेसबुक पेज ह्याक, रिकभरको प्रयास हुँदै

सशस्त्र प्रहरी बल (एपीएफ) को फेसबुक पेज ह्याक भएको छ। मंगलबार बिहानबाट पेजमा समस्या आएको हो। 

सशस्त्र प्रहरीका एसएसपी तथा प्रवक्ता राजेन्द्र खड्काका अनुसार अहिले पेज रिकभरको प्रयास भइरहेको छ। 

‘फेसबुक पेजमा बिहानबाट प्राविधिक समस्या आएको हो,’ खड्काले नेपालखबरसँग भने, ‘हाम्रो आइटी टिमले अहिले हेरिरहेको छ। रिकभरको प्रयास भइरहेको छ।’

पेज भियतनामी भाषामा पोस्ट भएको छ।

यसअघि पनि नेपाली सेनाको साइबर स्पेसमा हमला गरेको आरोपमा प्रहरीले एकजनालाई पक्राउ गरेको थियो।