युनिकोड
अढाई तले घरबाट खसेर गम्भीर घाइते भएका राष्ट्रिय स्वतन्त्र पार्टीका सभापति रवि लामिछानेका चालक दिलबहादुर थापा शम्भुलाई थप उपचारका लागि मेडिसिटी अस्पताल ल्याइएको छ।
कलेज अफ मेडिकल साइन्सेस चितवनमा गम्भीर र नाजुक स्वास्थ्य स्थितिबीच ३६ घण्टासम्म उपचारपछि ललितपुरस्थित मेडिसिटी अस्पताल ल्याइएको हो।
उनको स्वास्थ्य स्थिति स्थिर तथा सुधारोन्मुख रहेको लामिछानेले बताएका छन्। उनलाई थप उपचारको लागि चिकित्सक र आफन्तको सल्लाहमा नेपाली सेनाको हेलिकोप्टरबाट एयर लिफ्ट गरेर मेडिसिटी अस्पतालमा पठाइएको लामिछानेले बताए।
उनले थापालाई सम्बोधन गर्दै दुवैलाई हार्ने छुट नरहेको बताएक छन्। 'प्रिय भाइ, हामी दुवैलाई हार्ने छुट छैन। यस्तो पीडामा पनि राजनीतिको रोटी सेक्नेहरु एक एकलाई चिनाउनु छ, छिटो ठिक भएर फर्क', उनले भनेका छन्।
प्रतिक्रिया