काठमाडौं महानगरपालिकाले आफ्नो क्षेत्रभित्र पूर्वधार निर्माण तथा मर्मत राती ८ बजेपछि मात्रै गर्न आग्रह गरेको छ। सार्वजनिक निकाय (सरकारी निकाय)लाई महानगरले पूर्वधार निर्माणसँगै मर्मतका सबै काम ८ बजेपछि गर्न सूचना जारी गरेको हो।
सडक किनारमा निमाण गरिने कुनैपनि भवनबाट सडकमा धूलो, निर्माण सामग्रीका टुक्रा नखस्नेगरी काम गर्न भनिएको छ। निजी भवन निर्माण गर्दा समेत सडक पेटीमा निर्माण समग्री राखेर अवरोध गर्न पाइने छैन।
सडक मर्मत वा नयाँ निमार्ण गर्दा, पेटीमा केवल, ढल वा पाइप राख्दा त्यस्तो सथानबाट धुलो माटो नउड्ने वा अन्यत्त नजाने व्यवस्था गर्नुपर्ने भएको छ।
निर्माण स्थलको घेराबार नलगाई कुनै निर्माण सामाग्री यत्रतत्र राखिए महानगरले जुनसुकै बेला उठाउन सक्ने छ। महानगरले निर्माण गरेर फोहोर छाड्नेलाई ५० हजार रुपैयाँसम्म जरिवाना गर्ने छ।
Shares
प्रतिक्रिया