घरमै आएर घारेले टोक्दा मृत्यु

चितवनमा घारेको टोकाइबाट एक महिलाको मृत्यु भएको छ।

आइतबार अपराह्न पूर्वी चितवनको रत्ननगर नगरपालिका-९ बेलटाँडी बस्ने ७६ वर्षीया ठगिया थरुनीको घारेको टोकाइबाट मृत्यु भएको प्रहरीले जनाएको छ।

घरमै बसेकी थरुनी घारेको हुलले टोक्दा गम्भीर घाइते भएकी थिइन्। उनलाई तत्कालै उपचारका लागि चितवन मेडिकल कलेज भरतपुर ल्याइएको थियो।

उपचारको क्रममा उनको मृत्यु भएको चितवन प्रहरीले जानकारी दिएको छ। शव परीक्षणका लागि भरतपुर अस्पताल राखिएको छ।