युनिकोड
भक्तपुरमा गाडीको ठक्करबाट मोटरसाइकल चालकको मृत्यु भएको छ।
सूर्यविनायक नगरपालिका ९ पलासेस्थित सडकमा प्रदेश २–००१ च ०४११ नम्बरको गाडीले लु ८ प ६२० नम्बरको मोटरसाइकललाई मंगलबार बिहान ठक्कर दिँदा मोटरसाइकल चालक काभ्रे बनेपा नगरपालिका ७ बस्ने १९ वर्षीय आयुष न्यौपानेको मृत्यु भएको हो।
भक्तपुर प्रहरीका अनुसार बा २ ख ६६६९ नम्बरको बसलाई ओभरट्याक गरी जाने क्रममा उक्त गाडीले मोटरसाइकललाई ठक्कर दिँदा गम्भीर घाइते भएका उनको मध्यपुर अस्पताल ठिमीमा उपचारको क्रममा मृत्यु भएको हो।
प्रहरीले बस र गाडी चालकलाई नियन्त्रणमा लिएर अनुसन्धान गरिरहेको छ।
प्रतिक्रिया