तान्जनियामा विश्वकै सबैभन्दा वृद्ध गैँडाको मृत्यु

५७ वर्षको उमेरमा विश्वकै सबैभन्दा वृद्ध गैँडाको मृत्यु भएको बीबीसीले जनाएको छ।

इस्टर्न ब्ल्याक राइनो भनेर चिनिने यस पोथी गैँडा सन् १९६५ मा तीन वर्षको उमेरमा ङगोरोङगोरो क्षेत्रमा देखिएको थियो।

अधिकारीहरुका अनुसार उक्त क्षेत्रमा यस गैँडा ५४ वर्षसम्म घुमफिर गर्दै बसेको थियो।

वृद्धावस्थाका कारण केही वर्षदेखि यस गैँडालाई विशेषज्ञको रेखदेखसहित एउटा प्राकृतिक आरक्षस्थलमा राखिएको थियो।

फाउस्टा नाम दिइएको यस गैँडाले कहिल्यै बच्चा नजन्माएको जनाइएको छ। बीबीसी