बैतडीमा जिप दुर्घटना हुँदा एक प्रहरी जवानको मृत्यु भएको छ। मृत्यु हुनेमा कैलालीको धनगढी उपमहानगरपालिका १ का २४ वर्षीय सुदीप श्रेष्ठ रहेका छन्।
बैतडीस्थित पुरघाट प्रहरी चौकी हाटमा कार्यरत प्रहरी जवान श्रेष्ठको उपचारको क्रममा डडेल्धुरा अस्पतालमा दिउँसो मृत्यु भएको प्रहरीले जनाएको छ। बुधबार खोड्पेबाट पुर्चौडी हाटका लागि छुटेको म १ ज ३२९ नम्बरको जिप पुर्चौंडी नगरपालिका ६ सनगाउँमा सडकमै जिप पल्टेको हो।
जिपमा सवार अन्य सातजनाको अवस्था समान्य छ। जिप र जिप चालक पूर्णानन्द बडुलाई प्रहरीले नियन्त्रणमा लिएर अनुसन्धान सुरु गरेको प्रहरीले जनाएको छ।
प्रतिक्रिया