राष्ट्रिय सूचना आयोगका संस्थापन प्रमुख आयुक्त तथा वरिष्ठ पत्रकार विनय कसजुको निधन भएको छ।
उनको मंगलबार दिउँसो २ बजे मेडिसिटी अस्पताल ललितपुरमा उपचारका क्रममा निधन भएको पारिवारिक स्रोतले जनाएको छ।
६९ वर्षीय कसजु निमोनियो, उच्च रक्तचाप र मधुमेहबाट पीडित थिए।
कसजुको बाल साहित्यको क्षेत्रमा महत्वपूर्ण योगदान रहेको छ। उनका नेपाली बाल साहित्यको क्षेत्रमा ३७ वटा पुस्तक प्रकाशित छन्।
उनको जन्म सन् १९४७ मा भएको थियो।
प्रतिक्रिया