सुकुटे बिचनजिकै सुनकोसीमा बस खस्यो, चारको मृत्यु, १५ घाइते

दोलखाबाट काठमाडौँ आउँदै गरेको बस सुनकोसीमा खसेको छ।

 दोलखाको मागा देउरालीबाट काठमाडौँ आउदै गरेको बा २ ख ७२४५ को यात्रुबाहक बस सुकुटे बिचनजिकै सुनकोसी नदीमा खसेको हो।

प्रहरी प्रवक्ता डीआईजी विश्वराज पोखरेलले दुर्घटनामा ४ जनाको मृत्यु भएको पुष्टि भएको बताए। उनका अनुसार दुर्घटनामा १५ जना घाइते छन्।

‘केहीलाई नदीले बगाएको भन्ने छ, प्रहरी खोजी र उद्दारमा जुटेको छ’ डीआईजी पोखरेलले नेपालखबरसँग भने।

डीआईजी पोखरेलका अनुसार दुर्घटनामा परेको बस शैलुंगेश्वरी यातायातको हो।