आन्तरिक दस्तावेज सुरक्षित राख्न कर्मचारीलाई फेसबुकको निर्देशन

सामाजिक सञ्जाल कम्पनी फेसबुकले आफ्ना कर्मचारीलाई सबै आन्तरिक विवरण र सम्पर्कको विवरण सुरक्षित राख्न निर्देशन दिएको छ।

कानुनी लडाइँमा त्यस्ता विवरण आवश्यक पर्न सक्ने भन्दै फेसबुकले कर्मचारीलाई यस्तो निर्देशन दिएको हो। अहिले विश्वभरका विभिन्न सरकार र नियामकले फेसबुकको सेवाको विषयमा सोधपुछ सुरु गरेसँगै फेसबुकले यस्तो बताएको हो।

यसअघि फेसबुककी पूर्व कर्मचारीले फेसबुकको आन्तरिक दस्तावेज सार्वजनिक गर्दै फेसबुक प्रयोगकर्ताको सुरक्षाभन्दा पनि नाफातर्फ केन्द्रित हुने गरेको आरोप लगाएकी थिइन्। यससँगै फेसबुकले कर्मचारीहरुलाई यस्तो निर्देशन दिएको हो।