प्रतिनिधिसभा समानुपातिकतर्फ जारी मत गणनामा दोस्रो स्थानमा रहेको नेपाली कांग्रेसले प्राप्त मतको संख्या २३ लाख कटाएको छ।
आज अपराह्न ४ बजे निर्वाचन आयोेगले उपलब्ध गराएको तथ्यांकअनुसार कांग्रेसले २३ लाख २ हजार ७ सय २६ मत ल्याएको छ। पहिलो नम्बरमा रहेको एमालेले भने २४ लाख २१ हजार ७ सय ९६ मत प्राप्त गरिसकेको छ।
तेस्रो स्थानमा रहेको नेकपा माओवादी केन्द्रले अहिलेसम्म १० लाख ७ हजार ७ सय २२ मत ल्याएको छ भने चौथो नम्बरमा रहेको राष्ट्रिय स्वतन्त्र पार्टीले ९ लाख ८८ हजार ७ सय ४२ मत पाएको छ।
पाँचौँ स्थानमा रहेको राष्ट्रिय प्रजातन्त्र पार्टीले ५ लाख १६ हजार ६ सय ३० समानुपातिक मत ल्याएको छ।
प्रत्यक्षतर्फ पनि सिट जितेका यी पाँच दल राष्ट्रिय दल हुनेमा पक्का भइसकेको छ। यसपटक खसेको मतका आधारमा थ्रेसहोल्ड ३ लाख २० हजार देखिएको छ।
Shares
प्रतिक्रिया