युनिकोड
राष्ट्रिय जनता पार्टी (राजपा) का केन्द्रीय उपाध्यक्ष राजवंशी चौधरीको निधन भएको छ।
शनिबार ललितपुरमा पार्टीको जिल्ला भेलालाई सम्बोधन गर्ने क्रममा अचानक हृदयाघात भएर उनको निधन भएको पार्टीका महासचिव केशव झाले नेपालखबरलाई जानकारी दिए।
‘हिजो दिउँसो ३ बजेतिर उपाध्यक्षज्यू बोल्दै हुनुहन्थ्यो, अचानक हर्टअट्याक भयो,’ उनले भने, ‘हतार हतार मेडिसिटी अस्पताल लगियो तर चिकित्सकले मृत घोषणा गरे।’ कार्यक्रम ललितपुरको सिद्धार्थ कटेजमा भइरहेको थियो।
बारा घर भएका उपाध्यक्ष चौधरीको उमेर करिब ६० वर्ष थियो।
अहिले उनको शव मेडिसिटी अस्पतालमै राखिएको र नेताहरू जाने क्रम जारी रहेको राजपा महासचिव झाले जानकारी दिए।
प्रतिक्रिया