पत्रकार महासंघको चुनाव : ललितपुरमा पोखरेल प्यानलका सागर न्यौपानेको समूह नै विजयी

नेपाल पत्रकार महासंघ ललितपुर शाखामा सागर न्यौपानेको समूहले नै विजय हासिल गरेको छ।

केही बेरअघि सम्पन्न मतगणनाअनुसार विपुल पोखरेल प्यानलका नेपालखबरकर्मी न्यौपाने २७६ मतसहित ललिततपुुर जिल्ला शाखाको अध्यक्षमा निर्वाचित भएका हुन्।

निर्वाचन समितिकी सदस्य रजिता थापाका अनुसार न्यौपानेको समूहले नै विजय प्राप्त गरेको हो।

जसअनुसार २३३ मतसहित रनसुर उपाध्यक्ष, २५० मतसहित राजु बस्नेत कोषाध्यक्ष, २६९ मतसहित रामहरि कार्की सचिव तथा २४० मतसहित रविन राई सहसचिवमा निर्वाचित भएका छन्।

ललितपुर शाखामा महासंघको २० सदस्यीय कार्यसमिति चयन भएको उनले जानकारी दिइन्।

देशभरसँगै बुधबार भएको मतदानमा ललितपुर शाखामा कूल मत ३८३ खसेको उनले जानकारी दिइन्।