युनिकोड
नेकपा माओवादी केन्द्रको सहायक संगठन योङ कम्युनिस्ट लिग (वाईसीएल) नेपालको राष्ट्रिय भेला आगामी जेठमा हुने भएको छ।
चैत्र ४ र ५ गते काठमाडौँमा बसेको वाईसीएल नेपाल केन्द्रीय समितिको चौथो पूर्ण बैठकले जेठ २८ देखि ३० गतेसम्म राष्ट्रिय भेला गर्ने निर्णय गरेको वाईसीयलका सचिव पुष्प ओलीले जानकारी दिए।
भेलाले नयाँ नीति र नेतृत्व चयन गर्ने उनले बताए।
संगठनलाई गतिशील बनाउन लागि भन्दै राष्ट्रिय भेला अगावै टोल कमिटी देखि प्रदेश कमिटी सम्मका भेलाहरु आयोजना हुने र राष्ट्रिय भेलाका प्रतिनिधिहरु प्रदेश भेलाबाट चुनिएर आउने सचिव ओलीले बताए।
बैठकले राष्ट्रिय भेला अगावै दुई लाख नयाँ सदस्यता विस्तार गर्ने निर्णयसमेत गरेको छ।
सर्वोच्च अदालतले फागुन २३ गते एमाले र माओवादी केन्द्रको एकता खारेज गरेर दुवै पार्टीलाई पूर्ववत अवस्थामा पठाइदिएपछि पहिलोपटक वाईसीएलको बैठक बसेको हो।
प्रतिक्रिया