युनिकोड
प्रधानमन्त्री केपी शर्मा ओलीले आइतबार कोरोना भाइरसविरुद्धको खोप लगाउने भएका छन्।
स्वास्थ्य तथा जनसंख्यामन्त्री हृदेयश त्रिपाठीले प्रधानमन्त्री ओलीले आइतबार बिहान १० बजे त्रिवि शिक्षण अस्पतालमा खोप लगाउने जानकारी दिए।
दोस्रो चरणमा सरकारले ६५ वर्षमाथिका उमेर समूहका नागरिकलाई खोप लगाउने तयारी गरेको छ।
सोही खोप अभियान प्रधानमन्त्री ओलीले खोप लगाएर गर्नेछन्।
कोभ्याक्सबाट नेपालले आइतबार पहिलो खेप खोप प्राप्त गर्ने भएको छ।
विश्व स्वास्थ्य संगठन तथा गाभी लगायत संस्थाहरुको साझा एलायन्स कोभ्याक्सबाट एसियाका भोली नेपालसँगै बर्मा र श्रीलंकाले पाउनेछन्।
नेपालले पहिलो खोपमा ३ लाख ४८ हजार डोज पाउन लागेको हो। स्वास्थमन्त्री त्रिपाठीले कोभ्याक्सलाई पहिलो प्राथमिकतामा राखेकोमा धन्यवाद दिएका छन्।
नेपालले कोभ्याक्समार्फत ६० लाख डोज पाउनेछ। बाँकी खोप अन्य चरणमा आउनेछन्।
कोभ्याक्सबाट नेपालले सेरम इन्सच्युटले उत्पादन गरेको कोभिशिल्ड खोप नै पाउन लागेको हो।
प्रतिक्रिया