युनिकोड
प्रतिनिधि सभा विघटनपछि सडक संघर्षमा उत्रिएको जनता समाजवादी पार्टीले फागुन ९ गते देशभर प्रदर्शन गर्ने भएको छ।
बुधबार बसेको पदाधिकारीको बैठकले फागुन ९ गते देशभर प्रदर्शन गर्ने निर्णय गरेको पार्टीका प्रचार विभाग प्रमुख डम्बर खतिवडाले जनाकारी दिए।
फागुन ९ जसपाले काठमाडौँको रत्नपार्कमा पार्टीनिकट सबै भ्रातृ तथा जनसंगठनहरू र पार्टीका काठमाडौँ, ललितपुर र भक्तपुर जिल्ला समितिले संयुक्त आन्दोलन गर्ने बैठकपछि जारी विज्ञप्तिमा जनाइएको छ।
त्यस्तै बैठकले फागुन ९ गते नै देशभरिका सम्पूर्ण महानगरपालिका, उपमहानगरपालिका, नगर र गाउँपालिकामा जनप्रदर्शन र विरोधसभा गर्ने निर्णय गरेको छ।
जसपाले उक्त कार्यक्रममा सहभागी भइ सफल बनाइदिन सबैमा अनुरोध समेत गरेको छ।
पुस ५ गते प्रधानमन्त्री केपी शर्मा ओलीले प्रतिनिधि सभा विघटन गरेपछि जसपा सडक संघर्षमा उत्रिएको हो। जसपाले प्रधानमन्त्रीको असंवैधानिक कदमविरुद्ध सबै पार्टीले संयुक्त रुपमा संघर्ष गर्नुपर्ने बताउँदै आएको छ।
प्रतिक्रिया