युनिकोड
लेखक तथा साहित्यकार खगेन्द्र संग्रौलाले प्रधानमन्त्री केपी ओलीले भनेको भन्दा ठिक उल्टो मात्रै गर्दै आएको टिप्पणी गरेका छन्।
आइतबार बिहान सामाजिक सञ्जालमार्फत् संग्रौलाले ओलीतन्त्रमा पीडितले न्याय नपाउने टिप्पणी गरेका हुन्।
‘तथ्यहरूको रास भन्छ- प्रम ओली जे गर्छु भन्छन्, उनको सरकार सधैँ त्यसको ठीक उल्टो गर्छ,’ संग्रौलाले ट्वीट गर्दै भनेका छन्, ‘बुटवलमा ओलीले भनेछन्- ‘निर्मला र भागीरथी हत्याका घटनाका अपराधीलाई पानीमुनि भए पनि छाडिने छैन। यसको अर्थ हो, ती अपराधी कहिल्यै पक्राउ पर्ने छैनन्। यो राम्रो चिनिएको ओलीतन्त्र हो!’
प्रधानमन्त्री केपी ओलीले शनिबार बुटवलमा आयोजित सभालाई सम्बोधन गर्ने क्रममा बलात्कारपछि हत्या गरिएकी कञ्चनपुरकी बालिका निर्मला पन्त र बैतडीकी किशोरी भागरथी भट्टका हत्यारा पानीमुनी भए पनि नछाडिने दाबी गरेका थिए।
अढाई वर्षअघि बलात्कारपछि हत्या गरिएकी निर्मलाका हत्यारा अझै पक्राउ परेका छैनन्। बैतडीकी १७ वर्षीया किशोरी भागरथी भट्टको बलात्कारपछि हत्या भएको दुई साता बित्न लाग्दासमेत प्रहरीले अझै हत्याराको सुइँकोसमेत फेला पार्न सकेको छैन। जसको कारण सरकारको चौतर्फी आलोचना हुँदै आएको छ।
तथ्यहरूकाे रास भन्छ- प्रम अाेली जे गर्छु भन्छन्,उनकाे सरकार सधैँ त्यसकाे ठीक उल्टाे गर्छ।बुटवलमा अाेलीले भनेछन्-"निर्मला र भागीरथी हत्याका घटनाका अपराधीलाई पानीमुनि भए पनि छाडिने छैन।" यसकाे अर्थ हाे,ती अपराधी कहिल्यै पक्राउ पर्ने छैनन्।याे राम्राे चिनिएकाे अाेलीतन्त्र हाे!
प्रतिक्रिया