प्रचण्ड–नेपाल नेतृत्वको नेकपाका अध्यक्ष पुष्पकमल दाहाल प्रचण्डले प्रधानमन्त्री केपी शर्मा ओलीलाई विरोध प्रदर्शन र सभा कस्तो हुन्छ भन्ने हेर्न आग्रह गरेका छन्।
प्रतिनिधि सभा विघटनका विरुद्ध नेकपाको प्रचण्ड–नेपाल समूहले काठमाडौँमा आयोजना गरेको विरोध सभालाई सम्बोधन अध्यक्ष प्रचण्डले यस्तो बताएका हुन्।
प्रचण्ड–नेपाल समूहको माघ ९ गतेको सभामाथि व्यंग्य गर्दै प्रधानमन्त्री ओलीले २३ गतेको सभामा देखाइदिने बताएका थिए। त्यसको जवाफ दिँदै प्रचण्डले सभा र विरोध प्रदर्शन कस्तो हुन्छ भन्ने आजको सभालाई हेर्न आग्रह गरेका हुन्।
‘केपीजी ! देख्नुभयो, विरोध कस्तो हुन्छ? प्रदर्शन कस्तो हुन्छ?’, उनले भने।
यसअघि बोलेका वरिष्ठ नेता झलनाथ खनालले पनि ओलीलाई सभा कस्तो हुन्छ भनेर हेर्न प्रदर्शनी केन्द्र आउन आग्रह गरे।
‘दरबारमार्ग अगाडि दुई/चार हजार मान्छे जम्मा गरेर केपी ओलीले भने–ल हेर्नुहोस् सभा कस्तो हुन्छ? म कास्टिङ गर्छु’, नेता खनालले भने, ‘केपी ओलीजी र ओलीका समर्थक साथीहरु, सभा कस्तो हुन्छ, आउनुहोस्, प्रदर्शनी सभामा आउनुहोस्, हामी देखाउन तयार छौँ।’
प्रतिक्रिया