कोरोनाबाट थप दुईको मृत्यु, १०५ संक्रमित थपिए, २७२ निको भए

नेपालमा पछिल्लो २४ घण्टामा थप दुई जनाको कोरोना संक्रमणबाट निधन भएको छ।

स्वास्थ्य तजा जनसंख्या मन्त्रालयले शुक्रबार दिउँसो दिएको जानकारी अनुसार पछिल्लो २४ घण्टामा थप २ को मृत्यु भएसँगै अहिलेसम्म कोरोनाबाट मृतयु हुनेको संख्या २१ सय ८ पुगेको छ।

मन्त्रालयका अनुसार पछिल्लो २४ घण्टामा २ हजार ७९९ जनाको नमुना परीक्षण गर्दा थप १०५ जनामा संक्रमण पुष्टि भएको छ।

यससँगै कुल संक्रमित संख्या २ लाख ७१ हजार ७०७ जना पुगेको छ भने आज देशभर २ हजार १०८ जना सक्रिया संक्रमित रहेका छन्।

त्यस्तै पछिल्लो २४ घण्टामा थप २७२ जना संक्रमित निको भएसँगै अहिलेसम्म २ लाख ६७ हजार ५६४ जना संक्रमणमुक्त भएका छन्।