युनिकोड
प्रचण्ड-नेपाल नेतृत्वको नेकपाका एकजना अध्यक्ष माधवकुमार नेपालले प्रधानमन्त्री केपी शर्मा ओलीले आफू र अर्का अध्यक्ष प्रचण्डलाई जेल हाल्ने षडयन्त्र गरेको आरोप लगाएका छन्।
आज बिहान सम्पादकहरूसँग अन्तरक्रियामा नेता नेपालले ओलीले आफूहरूको राजनीतिक जीवन सिध्याउन खोजेको आरोप लगाएका हुन्।
‘ओलीले मलाई र प्रचण्डलाई जेल हाल्न खोजेका थिए,’ सम्पादकहरूसँग नेता नेपालले भने।
ललिता निवास जग्गा प्रकरणमा आफ्नो नाम षडयन्त्रपूर्वक जोडेर ओलीले आफूलाई फसाउन खोजेको र राजनीतिक जीवन समाप्त पार्न खाेजेकाे नेता नेपालको आरोप छ।
‘ओलीले मलाई एक महिनामा म तपाईंहरूलाई सरप्राइज रिपोर्ट दिन्छु भन्नुभएको थियो,’ उनले भने, ‘त्यो भनेको ललिता निवास जग्गा प्रकरणमा मलाई फसाउन खोजिएको रहेछ।’
पछि आफूले सोध्दा त्यो कुरा होइन भनेर टारेको नेता नेपालले बताए।
आफू त ओलीको षडयन्त्रबाट पहिलेदेखि पीडित रहेको बताउँदै उनले अहिले त्यसमा प्रचण्ड पनि जोडिन आइपुगेको धारणा राखे।
‘म त ओलीको स्थायी शत्रु नै थिएँ,’ नेता नेपालले सम्पादकहरूसँग भने, ‘अहिले त्यो सूचीमा प्रचण्डजी पनि जोडिनुभएको छ।’
प्रतिक्रिया