युनिकोड
स्वीट्जरल्यान्ड र भियतनामले मुद्रा हेरफेर गरेको आरोप अमेरिकाले लगाएको छ।
यूएस डिपार्टमेन्ट अफ ट्रेजरीले बुधबार अन्य तीन मुलुकलाई शंकास्पदको सूचीमा चढाएको छ।
ती मुलुकले डलरको तुलनामा आफ्नो मुद्रालाई अवमूल्यन गरेको अमेरिकाको आरोप छ।
भुक्तानीको सन्तुलन बिगार्न स्वीट्जरल्यान्ड र भियतनामले मौद्रिक बजारमा हस्तक्षेप गरेको अमेरिकाले बताएको छ।
महामारीका बीच व्यापारमा अमेरिकाको घाटा बढ्दै जाँदा डोनाल्ड ट्रम्पको प्रशासनले यो कदम चालेको हो।
अमेरिकासँगको द्विपक्षीय व्यापारमा २० अर्ब डलरभन्दा बढी नाफा गर्नेसहितका मापदण्ड पुरा गरेका मुलुकलाई अमेरिकाले मुद्रा हेरफेरकर्ताको आरोप लगाउने गर्छ।
यसवर्ष अमेरिकाले ताइवान, थाइल्यान्ड र भारतलाई पनि निगरानी सूचीमा राखेको छ। यसअघि नै सो सूचीमा चीन, जापान, कोरिया, जर्मनी, इटली, सिंगापुर र मलेसिया छन्। एजेन्सी
प्रतिक्रिया