युनिकोड
राष्ट्रिय प्रजातन्त्र पार्टी (राप्रपा)को सचिवालय कार्यव्यवस्था बैठक सम्पन्न भएको छ।
बुधबार बसेको सो बैठकले संवैधानिक परिषद्सम्बन्धी अध्यादेश जारी गर्ने प्रक्रिया र विषयवस्तुले संविधानको चिरहरण गरेको निष्कर्ष निकालेको छ।
त्यसैगरी राप्रपाले ‘भागवण्डा नमिलेर प्रतिपक्ष र गुटको उल्झनमा सभामुख अग्निप्रसाद सापकोटा अनुपस्थित रहनु गैरजिम्मेवार’ भएको समेत आरोप लगाएको छ।
राप्रपा नेता मोहन श्रेष्ठका अनुसार सो बैठकले पछिल्ला प्रकरणबाट संवैधानिक परिषदको उपादेयता समाप्त भएको ठहर गरेको छ भने राप्रपाले संवैधानिक परिषद्सम्बन्धी ल्याइएको अध्यादेश फिर्ता गर्नुपर्ने माग गरेको छ।
सरकारको सिफारिशमा राष्ट्रपति विद्यादेवी भण्डारीले मंगलबार संवैधानिक परिषद्सम्बन्धी अध्यादेश जारी गरेकी थिइन्।
सरकारले संवैधानिक परिषद्को बैठक बस्न आवश्यक पर्ने गणपुरक संख्या नै कम तोकेर अध्यादेश ल्याएको थियो।
प्रतिक्रिया