प्रधानमन्त्री केपी शर्मा ओलीले सगरमाथाको उचाइ बढेसँगै नेपालको पनि उचाई ८६ सेन्टिमिटरले बढेको बताएका छन्।
उनले सगरमाथाको उचाइ बढि विश्वसनीय, भरपर्दो र यथार्थमा आधारित होस् भनी नेपाल र चीनले संयुक्तरुपमा मापन गरिएको बताएका छन्।
उनले हाम्रा हिमाल नयाँ र विकास हुने क्रममा रहेकाले उचाइ पनि बढ्नु स्वभाविक भएको बताए।
नापी विभागले भने नेपालले आफ्नै साधन स्रोत र नेपाली प्राविधिकहरुलाई नै सगरमाथाको चुचुरोमा समेत पठाई मापन गरेको बताएको छ।
विभागले चीन र नेपालले उचाइ घाेषणा सभामात्र संयुक्तरुपमा गरेका बताएकाे छ।
नेपाल र चीन दुवैले मंगलबार संयुक्त घाेषणा कार्यक्रम राखी सगरमाथाकाे उचाइ पहिलेकाे भन्दा ८६ सेन्टिमिटरले बढेर ८ हजार ८ सय ४८ दशमलव ८६ मिटर कायम भएकाे घाेषणा गरेका थिए।
भिडियो:
सगरमाथाकाे उचाइसँगै देशकाे उचाइ पनि बढेकाे छ : हामी सबैलाई बधाई । नेपाल- चीन संयुक्त टाेलीलाई कष्टसाध्य मेहनतका लागि धन्यवाद । pic.twitter.com/KUkmbEBW5L
— K P Sharma Oli (@kpsharmaoli) December 8, 2020
प्रतिक्रिया