अक्टोबर ४ देखि ८ सम्ममा उनले जापान, दक्षिण कोरिया र मंगोलियाको भ्रमण गर्ने कार्यतालिका छ।
मन्त्रालयले जारी गरेको वक्तव्यमा लेखिएको छ, “विदेश मन्त्री पोम्पिओ जापानको टोकियो, मंगोलियाको उलानबटोर र दक्षिण कोरियाको सोल जानेछन्।”
दक्षिण चीन सागरको विषयमा हाल चीन र अमेरिकाबीच विवाद चर्किँदै गएको छ। यसबीचमा अमेरिकी विदेशमन्त्री जापानसहित तीन देशको भ्रमणमा जान लागेका हुन्।
दक्षिण चीन सागरको विषयमा अमेरिकाको साथमा रहेर जापान र अष्ट्रेलियाले पनि चीनको विरोध गरिरहेको छ।
टोकियोमा रहेका बेला पोम्पिओले अष्ट्रेलिया, भारत र जापानका विदेश मन्त्रीहरुसँग अक्टोबर ६ तारिखमा भेट्ने कार्यक्रम रहेको छ।
पोम्पिओले उनीहरुसँग सहकार्य, एक आपसमा सहयोग आदान प्रदान र सम्वन्ध सुधारलगायतका विषयमा कुराकानी गर्ने जनाइको छ।
पोम्पेओले अक्टोबर ७ तारिखमा मंगोलिया र ७ र ८ तारिखमा दक्षिण कोरियाका उच्च अधिकारीहरुसँग भेटवार्ता गर्ने तय भएको अधिकारीहरुले जनाएका छन्। रासस/एएनआई
प्रतिक्रिया