युनिकोड
पूर्वप्रधानमन्त्री डा. बाबुराम भट्टराईले संविधानसभा र संघीय लोकतान्त्रिक गणतन्त्रका वास्तविक जननी माओवादी जनयुद्ध र मधेश विद्रोह भएको बताएका छन्।
जनता समाजवादी पार्टीका नेता समेत रहेका डा. भट्टराई शुक्रबार सामाजिक सञ्जाल ट्विटरमा एक ट्विट लेख्दै संविधानसभा र गणतन्त्रको जननी जनयुद्ध र मधेश विद्रोह भएको बताएका हुन्। उनले जनयुद्ध र मधेस विद्रोहबाहेकका अरु सबै धाई, सुसारे, पण्डा, नर्तकी र तमासे भएको बताएका छन्।
प्रधानमन्त्री केपी शर्मा ओली नेतृत्वको सरकारलाई लक्षित गर्दै उनले संघीयता र गणतन्त्र उनको नेतृत्वमा सुरक्षित नहरेको उल्लेख गर्दै यसको उपचार खोज्न आग्रह गरेका छन्।
‘संविधान दिवसमा सबैले सम्झनुपर्ने कुरा : १, संविधानसभा र संघीय लोकतान्त्रिक गणतन्त्रका वास्तविक जननी माओवादी जनयुद्ध र मधेशविद्रोह हुन्, अरू धाई, सुसारे, पण्डा, नर्तकी, तमासे हुन्, २, गर्भमै यातना दिएर शिशुलाई अपांग बनाउने बयलगाडेहरूको हातमा यो सुरक्षित छैन, ३, अपांग शिशुको उपचार र रक्षा गरौं’, सामाजिक सञ्जाल ट्विटरमा भट्टराईले लेखेका छन्।
— Baburam Bhattarai (@brb1954) September 18, 2020संविधान दिवसमा सबैले सम्झनुपर्ने कुरा:१.संविधानसभा र संघीय लोकतान्त्रिक गणतन्त्रका वास्तविक जननी माओवादी जनयुद्ध र मधेशविद्रोह हुन्;अरू धाइ,सुसारे,पण्डा,नर्तकी,तमासे हुन्;२.गर्भमै यातना दिएर शिशुलाई अपांग बनाउने बयलगाडेहरूको हातमा यो सुरक्षित छैन;३.अपांग शिशुको उपचार र रक्षागरौं!
डा. भट्टराईले संविधान अपूर्ण भएको र यसले उत्पीडित समूहलाई अझै अधिकार सम्पन्न बनाउन नसकेको भन्दै संविधान संशोधन गर्नुपर्ने बताउँदै आएका छन्।
प्रतिक्रिया