युनिकोड
सीमामा तनाव चलिरहेका चीन र भारतका विदेशमन्त्री रुसको राजधानी मस्कोमा वार्तामा बसेका छन्।
सांघाई कोअपरेसन फोरमको बैठकमा सहभागी हुन मस्कोमा रहेका चिनियाँ विदेशमन्त्री वाङ यी र उनका समकक्षी एस जयशंकरबीचको वार्ताले दुई देशबीचको बढ्दो तनाव रोक्ने अपेक्षा गरिएको छ।
सोमबार मात्रै लद्दाखस्थित पाङगोङ तालमा चीन र भारतका सैनिकबीच झडप भएको थियो। त्यहाँ गोली पनि चलेको बताइएको छ।
अहिले कतिपय स्थानमा दुई देशका सैनिक ३ सय मिटरको दूरीमा रहेको र वातावरण तनावपूर्ण रहेको भारतीय सञ्चारमाध्यमहरुले सैन्य स्रोतलाई उधृत गर्दै बताएका छन्।
बिहीबार साँझको द्विपक्षीय वार्ताअघि रुस, चीन र भारतका विदेशमन्त्रीबीच दिवाभोजसहितको वार्ता भएको थियो।
विश्लेषकहरुले यो वार्ताले तनाव कम गर्न नसके दुई आणविक शक्तिसम्पन्न मुलुक युद्धमा होमिन सक्ने चिन्ता व्यक्त गरेका छन्। एजेन्सी
प्रतिक्रिया