युनिकोड
रुपन्देही जिल्लाको बुटवल–भैरहवा सडकको मध्यभागमा राखिएको भगवान गौतम बुद्धको मूर्ति तोडफोड गरिएको घटनाप्रति साझा पार्टीले गम्भीर ध्यानाकर्षण भएको जनाएको छ।
'नेपालका गौरव, शान्ति र सह-अस्तित्वका प्रेरक गौतम बुद्धको मूर्ति तोडफोड गर्ने कार्य गम्भीर सामाजिक अपराध हो', प्रवक्ता डा.सूर्यराज आचार्यद्वारा जारी विज्ञप्तिमा भनिएको छ, ‘यो निन्दनीय कार्य हाम्रो संस्कृति र धार्मिक सद्भावप्रतिको प्रहार पनि हो।’
घटनाको सुक्ष्म अनुसन्धान गरी तोडफोड गरिएको ठाउँमा तुरुन्त मूर्ति पुनर्स्थापन गर्न सो पार्टीले माग गरेको छ। भविष्यमा यस्ता कार्य हुन नदिन आवश्यक सतर्कता र सुरक्षा प्रबन्ध मिलाउन साथै दोषीलाई यथाशीघ्र कानुनी कारवाही गर्न साझा पार्टीले सरकार समक्ष आग्रह समेत गरेको छ।
यो पनि: जन्मस्थलमै बुद्धका मूर्ति तोडफोड
प्रतिक्रिया