सांसद गंगा चौधरी सत्गौवाले नेपालको संसदमा भारतीय चेलीहरुले दादागिरी गर्न थालेको बताएकी छन्।
सोमबार प्रतिनिधिसभामा आफ्नो धारणा राख्दै सांसद चौधरीले सिमानाका हरेक गाउमा भारतले दादागिरी गर्दै आएकोमा अब संसदमै भारतीय चेलीहरुको दादागिरी चल्न थालेको बताइन्।
केही दिनअघि समाजवादी पार्टीकी सांसद सरिता गिरीले एकतर्फी रुपमा सरकारले नक्सा जारी गरेकोमा आपत्ति जनाउँदै भारतसँग छलफल गरेरमात्र अघि बढ्न सुझाव दिएकी थिइन्।
गिरीलाई जवाफ दिँदै सांसद चौधरीले भनिन्, ‘नेपालभित्र भारतको दादागिरी, नमिचिएको ठाउँ छैन, नमिचिएको गाउँ छैन्। भन्दाभन्दै भारतीय चेलीहरुको सदनभित्र पनि दादागिरी चल्न थाल्यो। भूमि मिचाहासँग सल्लाह छलफल गर्नुप-यो रे। आफ्नो जमिन मेरो हो भन्नलाई पनि मेरो देशका जमिन मिचाहासँग सोध्नुपर्ने यो कस्तो विडम्बना?’
उनले अनुदानसँग जमिन, स्वाभिमान र राष्ट्रियता कुनै पनि हालतमा साट्न नसकिने बताइन्।
Shares
प्रतिक्रिया