युनिकोड
संघीय संसद् अन्तर्गत प्रतिनिधिसभाको बैठक आज बस्दैछ।
आइतबार बिहान ११ बजे बस्ने बैठकका लागि संसद् सचिवालयले विभिन्न कार्यसूचीहरू सार्वजनिक गरेको छ।
सभाको आजको बैठकबाट बजेट आश्रित दुई विधेयक पारित गर्ने कार्यसूची छ।
बैठकमा प्रधानमन्त्री वालेन्द्र शाहका तर्फबाट विज्ञान, प्रविधि तथा नवप्रवर्तनमन्त्री महावीर पुनले ‘महालेखा परीक्षकको ६३औँ वार्षिक प्रतिवेदन, २०८३’ र ‘सार्वजनिक खरिद (दोस्रो संशोधन) विधेयक, २०८३’ प्रस्तुत गर्ने कार्यसूची छ।
बैठकमा सभामुख अर्यालले राष्ट्रपतिको कार्यालयबाट प्राप्त विधेयक प्रमाणीकरणसम्बन्धी पत्रको बेहोरा जानकारी गराउने कार्यसूची पनि छ।
त्यसैगरी आजको बैठकमा सभामुखले राष्ट्रपति कार्यालयबाट प्राप्त विधेयक प्रमाणिकरण सम्बन्धी पत्र पढेर सुनाउने, विभिन्न प्रतिवेदनहरू पेस गर्ने, शोक प्रस्ताव पारित गर्नेसहितका कार्यसूची पनि छन्।
हेर्नुहोस् आजको बैठकका कार्यसूची
प्रतिक्रिया