युनिकोड
नेपाली कांग्रेसले सुदूरपश्चिम प्रदेशमा तय गरेको क्रियाशील सदस्यता अद्यावधिकसम्बन्धी अन्तरक्रिया स्थगित गरेको छ।
शुक्रबार कांग्रेसका कार्यवाहक मुख्य सचिव कृष्णप्रसाद दुलालले प्रेस विज्ञप्ति जारी गरी अर्को सूचना जारी नभएसम्मका लागि अन्तरक्रिया कार्यक्रम स्थगित भएको जनाएका छन्। कांग्रेसले जेठ ११ गते कञ्चनपुरको महेन्द्रनगरमा अन्तरक्रिया गर्ने तय गरेको थियो।
कांग्रेसको सूचनामा भनिएको छ, ‘नेपाली कांग्रेस सदस्यता व्यवस्थापन केन्द्रीय समितिद्वारा २०८३ जेठ ११ गते कञ्चनपुरको महेन्द्रनगरमा आयोजना गरिने भनिएको सदस्यता अद्यावधिकसम्बन्धी सुदूरपश्चिम प्रदेशको अन्तरक्रियात्मक कार्यक्रम अर्को सूचना नहुञ्जेलसम्मका लागि स्थगित गरिएको बेहोरा यसै विज्ञप्ति मार्फत् सबैलाई जानकारी गराइन्छ।’
प्रतिक्रिया