युनिकोड
कर्णाली प्रदेशका १२ सिटमध्ये १० सिटमा मतगणना भइरहेको छ। जसमध्ये तीन सिटमा कांग्रेसले अग्रता लिएको छ।
कांग्रेसले सुर्खेत, दैलेख १ र जाजरकोटमा अग्रता लिएको छ।
देशभर प्रभावशालि देखिएको रास्वपा कर्णालीमा भने कमजोर देखिएको छ। कर्णालीमा एक सिटमा मात्रै रास्वपाको अग्रता छ। सुर्खेत २ मा रास्वपा उम्मेदवार अगाडि छन्।
रुकुम पश्चिममा प्रगतिशित लोकतान्त्रिक पार्टीका जनार्दन शर्माले अग्रता लिँदा सल्यान र कालिकोटमा नेपाली कम्युनिस्ट पार्टीको अग्रता छ।
दैलेखमा एमाले, जुम्लामा राप्रपाले अग्रता लिएका छन्। हुम्लामा भर्खरै गणना सुरु भएको छ।
डोल्पाको मतगणना गर्न सर्वदलीय बैठक बस्ने तयारी भइरहेको छ।
मुगुमा भने मतपत्र नै संकलन भइसकेको छैन। त्यहाँका दुईवटा मतदान स्थलको मतपत्र पैदल ल्याइँदैछ।
आज टोली बास बसिसकेकाले शनिबार मात्रै मतपत्र संकलन हुने सुरक्षा कर्णाली प्रदेशका प्रहरी प्रवक्ता एसएसपी रामप्रकाश शाहले बताए।
प्रतिक्रिया