मुस्ताङमा ४ र मनाङमा ५ जनाको मात्रै उम्मेदवारी

आगामी फागुन २१ गते हुने प्रतिनिधिसभा सदस्य निर्वाचनको प्रत्यक्षतर्फ देशभरका १६५ वटै निर्वाचन क्षेत्रमा ३ हजार ४८६ उम्मेदवारले मनोनयनपत्र दर्ता गराएका छन्।

 निर्वाचन आयोगका अनुसार ३ हजार ८९ पुरुष, ३९६ महिला र तेस्रो लिङ्गी एक जना गरी ३ हजार ४८६ को उम्मेदवारी दर्ता भएको हो। मुस्ताङमा चार जनाले मात्र उम्मेदवारी दर्ता गराएका छन् भने मनाङमा ५ जनाको उम्मेदवारी परेको छ। 
  
यही माघ ९ गते अपराह्न १ः०० बजे उम्मेदवारको अन्तिम नामावली प्रकाशन गरिनेछ। सोही दिन ४ः०० बजेदेखि  उम्मेदवारलाई निर्वाचन चिह्न प्रदान गरिने कार्यक्रम छ। रासस