युनिकोड
नेकपाका सहसंयोजक तथा पूर्वप्रधानमन्त्री माधव नेपालले निर्वाचन लड्ने तयारी गरेको रौतहट क्षेत्र नम्बर १ मा नेकपा एमालेले अजकुमार गुप्तालाई नै उम्मेदवार बनाउने निर्णय गरेको छ।
०७९ सालमा नेकपा एकीकृत समाजवादीबाट निर्वाचन जितेका नेपालले यसपटक पनि निर्वाचन लड्न रौतहट १ नै रोजेका छन्। राैतहट नेपालकाे गृह जिल्ला हाे।
गत निर्वाचनमा पनि रौतहट १ मा नेपालको प्रतिस्पर्धा एमाले नेता गुप्तासँगै भएको थियो।
त्यतिबेला नेपाल ३३ हजार पाँच सय २२ मतसहित प्रतिनिधि सभा सदस्यमा विजयी हुँदा गुप्ताले २६ हजार ९ सय २२ मत ल्याएका थिए।
गत निर्वाचनमा यो क्षेत्रबाट जनमत पार्टीका राजेन्द्रप्रसाद साहले १४ सय ११ मत ल्याएका थिए।
कांग्रेस, रास्वपा, जसपा, जनमत लगायतका दलले भने राैतहट १ मा उम्मेदवार टुंग्याएका छैनन्।
प्रतिक्रिया