युनिकोड
नेकपा (एमाले)को एघारौँ महाधिवेशनबाट ३०१ सदस्यीय केन्द्रीय कमिटी चयन भएको छ।
एमालेको अध्यक्षमा तेस्रो पटक केपी शर्मा ओली निर्वाचित भएका छन्। उनले १ हजार ६६३ मत पाए भने प्रतिस्पर्धी ईश्वर पोखरेलले ५६४ मत पाए।
त्यस्तै, उपाध्यक्षमा गोकर्ण विष्ट, पृथ्वी सुब्बा गुरुङ, रघुजी पन्त, रामबहादुर थापा ‘बादल’ र विष्णुप्रसाद पौडेल निर्वाचित भएका छन्।
महासचिवमा शंकर पोखरेल फेरि निर्वाचित भएका छन्। उनले १ हजार २२८ मत पाए भने प्रतिस्पर्धी सुरेन्द्र पाण्डेले ९९९ मत पाए।
यसैगरी, उपमहासचिवमा योगेश भट्टराई, रघुवीर महासेठ र लेखराज भट्ट निर्वाचित भएका छन्। सचिवमा खगराज अधिकारी, छविलाल विश्वकर्मा, पद्मा अर्याल, भानुभक्त ढकाल, महेश बस्नेत, राजन भट्टराई, शेरधन राई र हिक्मतकुमार कार्की निर्वाचित भएका छन्।
यससँगै एमालेको महाधिवेशनले केन्द्रीय अनुशासन आयोग र केन्द्रीय लेखा आयोगका पदाधिकारी र सदस्य पनि निर्वाचित गरेको छ।
एमालेको एघारौँ महाधिवेशनमा कसले कति मत पाए?
प्रतिक्रिया