युनिकोड
नेकपा एमालेको ११ औँ महाधिवेशन नजिकिएसँगै नेताहरूले आ-आफ्ना धारणा सार्वजनिक गर्ने क्रम बढेको छ।
आज काठमाडौँमा एमालेको महाधिवेशन केन्द्रित दुईवटा कार्यक्रम हुँदैछन्। प्रेस चौतारीले एमालेका सचिव लेखराज भट्टसँग महाधिवेशन केन्द्रीत संवाद कार्यक्रम राखेको छ।
भट्टसँगको कार्यक्रम दिउँसो २ बजे राखिएको छ। चौतारीले प्रायः एमालेको संस्थापन पक्षमा खुलेका नेताहरूसँग संवाद गर्दै आएको छ।
संस्थापन इतर (विद्या भण्डारी-ईश्वर पोखरेल) तिर खुलेकी एमाले उपाध्यक्ष अष्टलक्ष्मी शाक्य, नेतृ विन्दा पाण्डेसहितका महिला नेताहरूको अन्तरसम्वाद कार्यक्रम भने आज होटल हार्दिकमा राखिएको छ।
मंगलबार दिउँसो १ बजे यो अन्तरसंवाद कार्यक्रम हुने छ। रचना खड्का, उषा किरण तिम्सिनालगायतका नेतृहरुले पार्टी महाधिवेशन र नेतृत्वबारे अन्तरसम्वाद गर्न लागेका हुन्।
एमालेको यही मंसिर २७ गतेदेखि काठमाडौँमा हुन लागेको ११ औँ महाधिवेशनमा अध्यक्ष केपी शर्मा ओली र वरिष्ठ उपाध्यक्ष ईश्वर पोखरेलले प्यानलै बनाएर आगामी नेतृत्वको लागि प्रतिस्पर्धा गर्ने तयारी अघि बढाएका छन्।
प्रतिक्रिया