युनिकोड
नेकपा (एमाले) का अध्यक्ष केपी शर्मा ओलीले हाल देशमा अराजक गतिविधि बढेको र राज्य संयन्त्रले प्रभावकारी भूमिका नखेलेको आरोप लगाएका छन्।
बुधबार च्यासलमा एमाले स्थानीय विकास विभागले आयोजना गरेको ‘स्थानीय तहका जनप्रतिनिधिको भूमिका’ विषयक अन्तरक्रिया कार्यक्रममा बोल्दै ओलीले हाल देखिएको सुरक्षाको कमजोरी र राजनीतिक हस्तक्षेपले देश असामान्य अवस्थामा पुगेको बताए।
उनले जेनजी भनिने समूहका गतिविधि देशभर बढ्दै गएको भने, ‘अहिले एकछिनका लागि मुसाले बिरालो तर्साएजस्तो अवस्था छ। एमालेलाई कोही फोन गर्छ- म जेनजी हुँ’ भनेर। अस्ति आगो लगाएको देख्यौँ। यिनलाई रोक्न कसैको ध्यान जाँदैन।’
ओलीले आरोप लगाउँदै भने, ‘आगो लगाउनेहरूलाई रोक्ने कोही भएन। रोक्ने कोही भएको भए ५०-६० जनाले सिंहदरबार जलाउन सक्दैनथे। रोक्ने संयन्त्र नचलेपछि देशमा जे पनि हुन्छ भन्ने स्थितिको विकास भइरहेको छ।’
प्रतिक्रिया