युनिकोड
प्रधानमन्त्री सुषिला कार्कीसँग संयुक्त राष्ट्रसंघकी आवासीय संयोजक हाना सिङ्गर हाम्दीले भेट गरेकी छिन्।
बुधबार सिंहदरबारमा भएको भेटमा संयुक्त राष्ट्रसंघ र नेपालको दृढ साझेदारीलाई पुनः पुष्टि भएको नेपालस्थित संयुक्त राष्ट्रसंघको कार्यालयले जनाएको छ।
भेटका क्रममा दुवै पक्षबीच फागुुनमा हुने चुनाव विश्वासिलो र समावेशी गराउन, संक्रमणकालीन न्यायलाई अघि बढाउने, सुशासन प्रवर्द्धन गर्ने लगायतका विषयमा छलफल भएको बताइएको छ।
संयुक्त राष्ट्रसंघले नेपालको लोकतान्त्रिक यात्रा र नेपाली जनताको शान्ति, न्याय तथा समृद्धिको आकांक्षामा निरन्तर साथ रहने प्रतिबद्धता जनाएको छ।
प्रतिक्रिया