ओली र लेखकसहितको राहदानी रोक्का गरेकोप्रति कांग्रेसको आपत्ति

नेपाली कांग्रेसले अघिल्लो सरकारका प्रधानमन्त्री, गृहमन्त्रीसहित पाँच पदाधिकारीको राहदानी रोक्का गरिएकामा विरोध जनाएको छ।

कांग्रेस पार्टी केन्द्रीय कार्यालयका मुख्यसचिव कृष्णप्रसाद पौडेलले आज प्रेस विज्ञप्ति जारी गरी दण्डहीनतालाई प्रोत्साहन र दलहरूप्रति प्रतिशोधपूर्ण राजनीति नगर्न अन्तरिम सरकारलाई ध्यानाकर्षण गराएको हो।

गत भदौ २३ र २४ गतेको घटनाको सम्बन्धमा सरकारबाट गठित जाँचबुझ आयोगबाट राहदानी रोक्का र अनुमति नलिइ काठमाडौँ उपत्यकाबाहिर जान नमिल्ने गरी सिफारिस गरिएको थियो। 

• पासपोर्ट रोक्काबारे ओलीको टिप्पणी: यो हाहुको सरकारलाई देश जिम्मा लगाइदिएर हामी विदेश भाग्छौँ?

•  उपचाररत स्थानमै ‘मोबाइल किट’बाट बनाएर दिइएको थियो देउवा दम्पतीलाई रातो पासपोर्ट 

• ओली र लेखकसहित ५ जनालाई विदेश जान निषेध, अनुमतिबेगर उपत्यका छाड्न पनि नपाउने