कानुनमन्त्रीलाई एमाले सचेतकको प्रश्न- बहु विवाहबारे बाहिर आएको कुरा के हो?

नेकपा एमालेकी सचेतक सुनिता बरालले बहुविवाहलाई कानुनी मान्यता दिन खोजिएको भन्ने समाचारहरू सार्वजनिक भएको भन्दै कानुनमन्त्री अजयकुमार चौरसियाको ध्यानाकर्षण गराएकी छन्। उनले प्रतिनिधिसभाको सोमबारको बैठकमा गम्भीर विषयमा कुरा बाहिर आएकोले जवाफ माग पनि गरिन्। 

‘बहुविवाह नेपाली समाजमा सामाजिक रूपमा हेर्न हो भने असामाजिक र कानुनी मान्यताले हेर्ने हो भने गैरकानूनी विषय हो,' उनले भनिन्, 'यो संवेदनशील र गम्भीर विषय हो। यस्ता विषयमा कानून निर्माणको प्रक्रियामा अघि बढ्दा अहिले उठेको विषय के हो?’