युनिकोड
प्रधानमन्त्री केपी शर्मा ओलीले ‘नो भोट’ भन्नलाई चुनावको बुथसम्मै पुग्न आवश्यक नरहेको बताएका छन्।
आइतबार ‘लोकतन्त्र र जनअभिमतः नेपालको निर्वाचन इतिहास’ पुस्तक लोकार्पण समारोहलाई सम्बोधन गर्दै उनले भने, ‘निर्वाचनका सन्दर्भमा केही-केहीले नो भोट भन्छन्। नहाले भैइगो नि। नो भोट भन्न निर्वाचनको बुथमा जानुपर्छ? घरै बसे नो भोट भैइगो।’
नो भोट खोज्नु समाजलाई भाड्नु भएको भन्दै ओलीले संविधान र कानुनमा नो भोटको व्यवस्था राख्न आवश्यक नहरेको समेत उल्लेख गरे।
‘यो चाहिँ समाज भड्काउने कुरा हो, यस्तो गरिरहनु पर्दैन,’ उनले भने, ‘न संविधानमा लेख्नुपर्छ, न कानुनमा लेख्नुपर्छ। घरै बसे भयो। छुट्टै नो भोट भनेर व्यवस्था गर्नुपर्ने आवश्यकता छैन।’
प्रतिक्रिया